Кыргыз Республикасынын Президенти Сооронбай Жээнбеков 2019-жылдагы футбол боюнча Азия кубогунда чоң жетишкендиктери, дене тарбиясын жана спортту өнүктүрүүгө, республиканын квалификациялуу спортсмендерин даярдоого кошкон зор салымы жана футболго чексиз берилгендиги үчүн «Кыргыз Республикасынын мамлекеттик сыйлыктары менен сыйлоо жөнүндө» Жарлыкка кол койду.
Кыргыз Республикасынын футбол федерациясынын президенти Султанов Семетей Алымбаевич «Даңк» медалы менен, Кыргыз Республикасынын футбол боюнча улуттук курама командасынын башкы машыктыруучусу Крестинин Александр Сергеевич «Данакер» ордени менен жана Кыргыз Республикасынын футбол федерациясынын биринчи вице-президенти Салымбеков Аскар Мааткабылович III даражадагы «Манас» ордени менен сыйланышты.
Ошондой эле Кыргыз Республикасынын футбол боюнча улуттук курама командасынын мүчөлөрү Байматов Азамат Асилбекович, Кашуба Валерий Юрьевич, Кичин Валерий Сергеевич, Люкс Виталий Валентинович, Мурзаев Мирлан Абдраимович «Даңк» медалы менен сыйланышты.
Маалымат: http://president.kg
